Xəbərlər
20.09.2026, 00:03
Həsənxan Əsədov : Gəlin xalqımızın belə övladlarının dəyərin bilək və qiymətləndirək... - FOTO
Bu gün mən sizə xalqımızın layiqli övladı, sənətinin əsil peşəkarı, gözəl insan və çoxlarının sevimlisi Ege universitetini bitirmiş, SAF Hospitalın süd vəzi xəstəlikləri şöbəsinin çərrahı həkim Çeyhun Isayevə həsr etdiyim şeiri təqdim edirəm. Gəlin xalqımızın belə övladlarının dəyərin bilək və qiymətləndirək...
Əlləri qızıldır Ceyhun həkimin
Gəlin mən sizlərə çəkim adını,
Sözün hikmətinə büküm adını,
Qaldırır göylərə həkim adını,
Əlləri qızıldır Ceyhun həkimin.
Hipakrat andını içən o gündən,
Sevdiyi peşəni seçən o gündən,
Müqəddəs ünvandır, keçən o gündən,
Əlləri qızıldır Ceyhun həkimin.
Hörmətdir, izzətdir varı-dövləti,
Elmlə qazanıb xatir hörməti,
Göstərir xəstəyə sonsuz diqqəti,
Əlləri qızıldır Ceyhun həkimin.
İnsanlıq,mərhəmət qəlbində dəniz,
Çörəyi halaldır, ürəyi təmiz,
Hər xəstə onunçün əzidən ıziz,
Əlləri qızıldır Ceyhun həkimin.
Hissləri zərifdir, əməli incə,
İşıqlı zəkası, sağlam düşüncə,
Sağlamlıq bəxş edir hər şeydən öncə
Əlləri qızıldır Ceyhun həkimin.
Ürəklər fəth edən, könüllər alan,
Özgə dərdlərini öz dərdi bilən,
İsti təbəssümdür gözlərdə gülən,
Əlləri qızıldır Ceyhun həkimin.
Elləri dolaşır gəzir sorağı,
Qəlblərdə yandırır ümid çırağı
Verir xəstələrə yaşam marağı
Əlləri qızıldır Ceyhun həkimin.
Xeyirxah, insanlıq yağır gözündən,
Mərdliyi görünür bütöv sözündən,
Həsənxan, güc alır Haqqın özündən,
Əlləri qızıldır Ceyhun həkimin.
11.09.2026
Son xəbərlər
Ən çox oxunanlar
- Bu gün
- Bu həftə
- Bu ay
