Fransa Prezidenti Emmanuel Makrona, eləcə də ölkənin Xarici İşlər Nazirliyinə teleqramın yaradıcısı Pavel Durovun həbsi ilə bağlı əvvəlcədən xəbərdarlıq edilməyib.

"Turaztv.az" “Qafqazinfo”-ya istinadən xəbər verir ki, bu barədə “Reuters” məlumat yayıb.

Agentliyin məlumatına görə, Durovun özünün də həbs əmrindən xəbəri olmayıb.

Xatırladaq ki, P.Durov avqustun 24-də Parisdə hava limanında saxlanmışdı. Avqustun 28-də isə o, məhkəmə nəzarəti altında sərbəst buraxılıb. Paris Prokurorluğu Durovu 6 qanun pozuntusunda, o cümlədən qanunsuz əməliyyatlar aparmaq məqsədilə onlayn platformanın idarə edilməsində ittiham edir.

“O, 5 milyon avro məbləğində girov ödəmək, həftədə iki dəfə polis bölməsinə məlumat vermək öhdəliyi ilə məhkəmə nəzarəti altına alınıb və ona Fransa ərazisini tərk etmək qadağan edilib”, - prokurorluğun açıqlamasında bildirilir.