Nəriman Zeynalzadə - 70. "Yaşa, a Nəriman, zaman deyir il..."
Nəriman Zeynalzadə - 70. "Yaşa, a Nəriman, zaman deyir il..."

Bu gün - 25 iyul tanınmış şair Nəriman Zeynalzadənin 70 yaşı tamam olur. Nəriman Zeynalzadə 1954-cü ildə Naxçıvan MR Şərur rayonunun Yaycı kəndində doğulub. 1969-cu ildən yerli və respublika mətbuatında məqalə, şeir və publisist yazıları ilə çıxış edir.
"Araz-1" "Araz-2","Qoy tanısın dünya səni" , "Avrasiya şairləri" və s. almanaxlarda şeirləri dərc edilib. "Daş Yaycım", "Ələsgər həkim", "Sən bu şəhərdə doğulmamısan", "Bu Vətən mənə dar gəlir", "Dərələyz mahalının Yaycı kəndi" kitablarının müəllifidir. Naxçıvan Dövlət Pedaqoji Universitetini bitirib. "Ovqat.com" və Turaztv.az Nəriman Zeynalzadəni 70 yaşının tamam olması münasibətiylə təbrik edir, şairə yeni yaradıcılıq uğurları arzulayır.


GÖZÜNÜN YAŞINA GƏLDİM

Deyirəm döz ürəyimə,
Kar etmir söz ürəyimə,
Tökübdür köz ürəyimə,
Gözünün yaşına gəldim.

Gümanın yığıb gedibdir,
Ümidin qırıb gedibdir,
Gözünü sıxıb gedibdir,
Gözünün yaşına gəldim.

Sızlayır eşqin yarası,
Yaş tökür gözün qorası,
Gedibdir gözün qarası,
Gözünün yaşına gəldim.

Sevginin sınıb qanadı,
Bağrımın başı qanadı,
Dedilər o qız anadı,
Gözünün yaşına gəldim.
01.01.2024


TANIMADI KÜL DƏ MƏNİ

Qəfil gələn sel apardı,
Axtarmadı el də məni.
Nə bir yaxın, nə də ki dost,
Külək tapdı çöldə məni.

Bir bulaqdan içib getdim,
Üst- başımı çırpıb getdim,
Gül yanından keçib getdim,
Heç saymadı gül də məni.

Sığınmışam öz yurduma,
Ocağıma, köz- oduma,
Özüm yandım oz oduma,
Tanımadı kül də məni.


QOCALIQ

Nə vardısa artıq qalıb dünəndə,
Xəyalları ötənlərə dönəndə,
Qoşa gəzən cavanları görəndə,
Baxıb-baxıb köks ötürür qocalıq.

Bir zamanlar yar dediyi yarısı,
Gözəl-göyçək gəlinlərin sarısı,
Canı candan ayrı düşən qarıs,
Köçüb gedib, can itirir qocalıq.

Dünya ondan, o dünyadan öc alıb,
Zaman-zaman həyat ondan bac alıb,
Bu günündən sabahına borc alıb
Saya-saya gün ötürür qocalıq.

Ağac kimi quruyubdur budağı,
Düşür yerə söz tutmayır dodağı,
Çağırsan da eşitməyir qulağı,
Bu dünyadan əl götürür qocalıq.

Təsbehini dənə-dənə çevirir,
Səhər-axşam, dönə-dönə çevirir,
Üzün tutub gündönənə çevirir,
Günəş kimi qürub edir qocalıq.

Nərman deyər aman yandım, oy yandım,
Haçan yatdım, haçan durdum, oyandım,
Gəlib ömrün çəliyinə dayandım,
Nöqtə qoyub yol bitirir qocalıq.


HƏLƏ GÖRƏCƏYİM BÜTÖV VƏTƏN VAR

Qoçağıq, igidik, dəliyik, Vətən,
Düşmənin bağrını dəlirik, Vətən,
Yolumuz Turandır, gəlirik, Vətən,
Hələ görəcəyim bütöv Vətən var.

Azərbaycanımın cənub tayını,
Bağrıma basıram o gül ananı,
Təbriz paytaxt olan o bir anını,
Hələ görəcəyim bütöv Vətən var.

Ruhumun, şerimin ən özəl bəndi,
Yatmış arzuların içi dərbəndi,
İrəvan, Borçalı, Kərkük, Dərbəndi,
Hələ görəcəyim bütöv Vətən var.

İçimdən keçənlər güman deyil ki,
Fars bölən, rus bölən zaman deyil ki,
Yaşa a Nəriman, zaman deyir ki,
Hələ görəcəyim bütöv Vətən var.

Nəriman Zeynalzadə - 70. "Yaşa, a Nəriman, zaman deyir il..."

Son xəbərlər

Bakıda motosikleti insanların üzərinə sürən şəxs - Həbs edildi

"Real" səfərdə qalib gəldi

Zelenski: Ukrayna torpağında xarici kontingent sülhün təminatıdır

Ukrayna “Long Neptun” raketini sınaqdan keçirib

Azərbaycanlı tələbələr Türkiyədə aerokosmik innovasiyalar üzrə təcrübə mübadiləsinə başlayıblar

“Deha”nın çəkiliş meydançasında hadisə - Təcili əməliyyat olundu

Neslihanla Kadir ilk dəfə oğulları ilə - Foto

Tramp onu Ukraynaya xüsusi elçi təyin etdi

Leyla Əliyeva uşaqları ziyarət etdi - FOTOLAR

Zəngəzur dəhlizinin Türkiyə hissəsi ilə bağlı qarşıdakı aylarda işlərə başlanacaq

Trampın əmrindən sonra ordu husilərin mövqelərini bombalamağa başlayıb

Məhəmməd Nərimanoğlu ; Atadan oğula qalan yadigar: “Əl işi” el işi

Sumqayıtda liposaksiya etdirən qadın öldü

Məhəmməd NƏRİMANOĞLU : GÖYÇƏ HƏSRƏTLİ, TƏBRİZ NİSGİLLİ ŞAİR...

Azərbaycan cüdoçusu Avropa Kubokunda qızıl medal qazanıb

Ramazanın 16-cı gününün duası - İmsak və iftar vaxtı

Trampdan “Azadlıq radiosu” və “Amerikanın səsi” ilə bağlı FƏRMAN

Putin, Lukaşenko və Rəhmon Azərbaycan Prezidenti İlham Əliyevə zəng ediblər

Rusiya, Belarus və Tacikistan prezidentlərinin qeyri-rəsmi görüşü olub

SON DƏQİQƏ! Azərbaycanda kütləvi həbslər başladı: Siyahıda kimlər var?/FOTO

Rusiya ilə sülh danışıqlarında Ukraynanı onlar təmsil edəcək

Ərdoğanın müşaviri: Yaxın gələcəkdə Azərbaycanla Ermənistan arasında davamlı sülhün olacağına inanırıq

Hava kəskin dəyişir - Sulu qar, qar yağacaq

ÜRƏK ADAMI - FOTOLAR

Milli Məclis Avropa Parlamentinə etiraz məktubu göndərib

Avtobusları telefondan izləyə biləcəyik - Yeni proqram HAZIRLANIR

Leyla və Arzu Əliyevalar UNEC-də Çin dili təhsili alan tələbələrlə - FOTOLAR

Fransada yeni parlament seçkiləri 2025-ci ilin ikinci yarısında keçirilə bilər

Bütün xəbərlər
«    Mart 2025    »
BeÇaÇCaCŞB
 12
3456789
10111213141516
17181920212223
24252627282930
31