Rusiya Prezidenti Vladimir Putin Səudiyyə Ərəbistanı Krallığının vəliəhdi, Baş nazir Məhəmməd bin Salman bin Əbdüləziz Al Səud ilə telefon danışığı aparıb.

Turaztv.az “Report” -a istinadən xəbər verir ki, bu barədə Kremlin mətbuat xidməti məlumat yayıb.

Liderlər Rusiya ilə Səudiyyə Ərəbistanı arasında qarşılıqlı hörmət və bir-birinin maraqlarının nəzərə alınması prinsiplərinə əsaslanan dostluq münasibətlərinin əldə edilmiş səviyyəsini yüksək qiymətləndiriblər.

Tərəflər müxtəlif səviyyələrdə əlaqələri davam etdirmək barədə razılığa gəliblər.

Həmçinin siyasi, ticarət-iqtisadi və enerji sahələrində əməkdaşlıq məsələləri müzakirə edilib və enerji bazarında sabitlik üçün OPEC+ çərçivəsində sıx koordinasiyanın vacibliyi qeyd edilib.