Britaniya Hərbi Dəniz Qüvvələri husilərin hücum etdiyi ticarət gəmisinin alovlandıqdan sonra Yəmən sahillərində batdığı ilə bağlı məlumat yayıb.

Turaztv.az APA-ya istinadən xəbər verir ki, Böyük Britaniyanın Dəniz Ticarət Koordinasiya Mərkəzinin (UKMTO) saytında verilən məlumata görə Yəmən sahillərində husilərin hücumu nəticəsində iyunun 13-ü alovlanan ticarət gəmisi yanmağa davam edir və batmaq üzrədir.

Məlumatda həmçinin gəminin ekipajının gəmini təxliyə etdiyi bildirilir.

Gəmi hazırda Cibutidən 55,6 km şimal-şərqdə batmaqdadır. Gəminin hansı ölkəyə aid olması ilə bağlı isə heç bir məlumat verilmir.