Rumıniyanın paytaxtı Buxarestdə keçirilən Avropa çempionatında üçüncü olan Azərbaycanın sərbəst güləşçiləri fevralın 19-da Vətənə qayıdıblar.

Turaztv.az AZƏRTAC-a istinadən xəbər verir ki, Heydər Əliyev Beynəlxalq Aeroportunda idmançıları ailə üzvləri, yaxınları və federasiya nümayəndələri qarşılayıblar.

Qeyd edək ki, Azərbaycan millisinin heyətində Maqomedxan Maqomedov (97 kiloqram) gümüş, İslam Bazarqanov (57 kiloqram), Əli Rəhimzadə (65 kq), Nurəddin Novruzov (61 kiloqram), Turan Bayramov (74 kiloqram), Arseni Cioyev (86 kiloqram) və Georgi Meşvildişvili (125 kiloqram) bürünc medalları qazanıblar. Bununla da yığmamız 122 xalla komanda hesabında üçüncü olub.