Futbol üzrə Tacikistan yığması Qətərdə keçirilən Asiya Kubokunda 1/4 finala vəsiqə qazanıb.

Turaztv.az APA -ya istinadən xəbər verir ki, komanda 1/8 finalda Birləşmiş Ərəb Əmirliklərini məğlub edib.

Tacikistan yığmasının heyətində Vəhdət Xanonov (30-cu dəqiqə), BƏƏ-dən isə Xəlifə Əl-Həmmadi (90+5) fərqlənib.

Oyunun əsas və əlavə olunmuş dəqiqələri 1:1 hesabı ilə başa çatıb.

Penaltilər seriyasında tacik futbolçular daha güclü olub - 5:3.

Dörddəbir finalda Tacikistan komandası sabah keçiriləcək İraq - İordaniya cütünün qalibi ilə oynayacaq.

Xatırladaq ki, Tacikistan millisi ilk dəfə olaraq Asiya Kubokunda iştirak edir.