Azərbaycanın paytaxtında davam edən Bakı Caz Festivalı çərçivəsində Əməkdar rəssam Eldar Qurbanovun “Cazın ağ quşları” sərgisi açılıb.

Sərgi barədə fikirlərini AZƏRTAC-a bölüşən rəssam deyib: “Caz – sevdiyim mövzudur. Mən onunla uzun müddətdir, demək olar ki, yaradıcılığımın əvvəlindən məşğulam. Cazı çox sevirəm və hər zaman hansısa caz kompozisiyaları yaratmağa çalışmışam. Məni bu sərgidə iştirak etməyə dəvət edəndə, çox sevindim, çünki bəzi işlər artıq var idi. Üstəlik, altı ay ərzində mən daha 15-20 rəsm əsəri əlavə etdim. Bu sərginin reallaşmasına çox şadam”.

Bakı Caz Festivalının əsası 2005-ci ildə görkəmli caz musiqiçisi, Azərbaycanın Əməkdar artisti Rain Sultanov tərəfindən qoyulub. Festival bu il 18-ci dəfədir keçirilir.

Qeyd edək ki, festival oktyabrın 15-dək davam edəcək.