5 Oktyabr Beynəlxalq Müəllimlər günüdür

Xəbərlər

5.10.2023, 00:14

5 Oktyabr Beynəlxalq Müəllimlər günüdür - FOTO

ƏZİZ MÜƏLLİMLƏR BAYRAMINIZ MÜBARƏK!
TƏBRİK EDİRİK!

Həyatın ən sevindirici günlərindən biri ilk dəfə məktəbə gedərək parta arxasında oturub müəllimlə üz-üzə duraraq dərsdə oturmaqdır.
O, günü nəinki, ata - ana, körpə fidanlar da sevinərək təzə məktəbli forması ilə əlində bir dəstə gül çiynində çanta məktəb həyatının qayğılı, sevimli illəri insana həyatı dərk etməyə onun gözəlliyini dadmağı öyrədir.Bu qayğılı məktəb illərini ömrünün 11 ilini sənə valideyin qədər əziz olan müəllimlərlə keçirirsən. Həyatda ikinci valideyin dediyimiz əziz müəllimlər, sizin zəhmətinizin qiyməti hədsizdir. Bu yolda siz müəllimlərə təşəkkür borcumuz var.Hər bir şagirdin bu həyatda aldığı təhsilin müstəqil həyata atdığı addımdan sonra müəllimlərin əziyyətini və müəllim haqqını dərk etməyə başlayır.
Adınız şərəfli ,yolunuz uzun zəhmətiniz hədsiz olan müəllimlər əziz gününüz mübarək olsun!

Valideyin tək nazımızı çəkərək,
Gör nələrdən keçir o böyük ürək,
Bu əzaba əziyyətə dözərək,
Əlini sıxaraq verib halallıq,
Sizlərdən bizlərə keçən ucalıq.

Vətəni sevməyi öyrətdiz bizə,
Hər zaman söylədiz yol edin düzə,
Od verdiz ocağa alışan közə,
Varmı dünyada müəllim tək varlıq,
Sizlərdən bizlərə keçən ucalıq.

Danışsaq bitməyən hekayət təki,
Hər zaman sizlərə biz etdik ərki,
Vətənə elinə yurduna görkü,
Valideyin təki biz sizi sandıq,
Sizlərdən bizlərə keçdi ucalıq.

Ağarmış saçlarda xatirələr var,
Bağından baxanda yetişdikcə bar,
Hər eldə obada meyvələrin var,
Əlini sıxaraq verib halallıq,
Yaraşır müəllim sizə ucalıq.

Turaztv.az saytının Baş redaktoru,
AJB-nin üzvü, şair publisist
Cəmil Zəbhullaoğlu,