Bir neçə gün öncə ölkədə təhsilin problemlərinə həsr olunmuş konfrans keçmirildi. Konfransda çıxış edən təhsil naziri Ceyhun Bayramov və Dövlət İmtahan Mərkəzinin sədri Məlekykə Abbasova jurnalistlərin suallarına cavab olaraq bildirdilər ki, valideynlərin övladlarını məcburi olaraq repetitor yanına göndərməsi problemi öz həllini bir gündə tapa bilməz.
Qanunla repetitorluğu ləğv etmək olmaz və təhsilin keyfiyyətinin yüksəldilməsi üçün müəllimlərin maaşları arıtırlmalıdır.

Təhsil eksperti Kamran Əsədov Bizimyol.info- saytına verdiyi açıqlamada bildirib kİ, orta məktəbdə müəllimlərə 5000 manat da maaş verilsə repetitorluq anlayışı davam edəcək. “Məktəb proqramını dəyişmədən, qəbul imtahanlarını asanlaşdırmadan müəllimin maaşı artırılsa da bu problem öz həllini tapmayacaq. Dərs proqramını çətin ediblər. Valideyn dərslərində şagirdə kömək edə bilmir, uşaq müəllim deyəni anlamır, bir sinifdə 45 şagird var ,müəllim yetərli qala bilmir.

Əlbəttə belə olan halda valideyn əlavə dərs almaq istəyəcək, repetitor tutacaq. Mənə imkan versələr bu məsələni bir ildə yox e, bir gündə həll edə bilərəm.Elə bu kimi probelmelərin həllində təhsil eksperti olaraq səsimiz eşidilmir deyə mən də qanunverici orqanda olmağa qərar verdim və deputat olaraq namizədliyimi irəli sürdüm. Artıq böyük proqram tərtib etmişəm və seçilərsəm edəcəyim təklif və addımlar hazırdır. Hesab edirəm ki, deputat kimi təhsil sahəsinə daha çox fayda verə biləcəm”- deyə ekspert bildirib.

“Təhsilimizdə yarıtmaz, bir-birini təkrarlayan ixtisaslar , fənnlər həddən artıq çoxdur. BDU-da müəllim tanıyıram, 16 ildir eyni mühazirəni oxuyur, öz üzərində işləmir yenilənmir. Yarımkeçiricilər fizikası ixtisası keçirilir. Ay qardaş, NANO texnologiyalar dövrüdür, sən niyə 80-ci illərdə qalmısan? Bu il müəllim imtahanlarında iştirak etmiş müəllimlərin 45 faizi öz ixtisası üzrə cavab verə bilmədi, günahı atırlar kompüterlərin boynuna. Birincisi kompüteri bilmirsənsə deməli zamanla ayaqlaşa bilmirsən, ikincisi indi kompüteri 5 yaşlı uşaq da bilir.Ali təhsil haqqında qanunun olmaması hərc- mərcilik yaradır. Bu gün ali məktəblərdə 178 ixtisasın azaldılaraq 148-ə endirilməsinə nail ola bilmişik, amma yenə artıq ixtisaslar var. Bunu niyə görmürlər, niyə tədbir görülmür? Təhsil alan tələbələrin 42 faizi işlə təmin olunmur, çünki əmək bazarına uyğun ixtisas və yüksək keyfiyyətli təhsil verilmir”- deyə o bildirib.