Xəbərlər
20.07.2026, 22:09
PÜSTƏ RƏVAN : D Ü N Y A - FOTO
Haqqı-ədaləti, saxta çıxartdı.
Namərdə tac qoydu, taxta çıxartdı,
Mərdinsə cəsədin sürürdü dünya,
Zalımın, qəddarın biridi dünya.
Çoxunun ehsanlıq başını yedi,
Arifə daş atdı xaşını yedi.
O, qədər igidin başını yedi,
Şeytanlar yurdudur, yeridi dünya.
Zalımın, qəddarın biridi dünya.
Bilmirəm nədir bu tənəsi qəsdi,
Bir belə zülm edir, demir ki, bəsdi.
Qeyrətli kəslərə dar bir qəfəsdi,
Alçağın gözündə biridi dünya,
Zalımın, qəddarın biridi dünya.
Toyun yas edibdir neçə cavanın,
Bəzən körpənin də alıbdır canın.
İçibdi bəşərin, İçibdir qanın,
Könlümü dəhşətin bürüdi dünya,
Zalımın, qəddarın biridi dünya.
Doymayır Püstənin ahu-vayından,
Qoy çıxsın fələyin çarxı-yayından.
Mənə də vermədi, sevinc payından,
Od oldu üstümə yeridi dünya,
Zalımın, qəddarın biridi dünya
Son xəbərlər
Ən çox oxunanlar
- Bu gün
- Bu həftə
- Bu ay
