Xəbərlər
16.07.2026, 00:53
NİCAT NOVRUZOĞLU : Bağrımın başında nişan üzüyü - FOTO
Səni istəməyə gələcəm səbr et.
Darıxma ömrümün yar- yaraşığı.
Səni istəməyə gələcəm səbr et.
Subaylıq taxtına naz eləyəcəm,
Fəslin qar-boranın yaz eləyəcəm.
Bəsdir,kişi kimi söz eləyəcəm,
Səni istəməyə gələcəm səbr et.
Öyüd-nəsihətə qulaq asacam,
Təkliyi aparıb damdan asacam.
Sənlə yasamaqçın ömrü, sonacan,
Səni istəməyə gələcəm səbr et.
Alacam iş düzüb qoşan üzüyü,
O şöhrət üzüyü,o şan üzüyü.
Bağrımın başında nişan üzüyü,
Səni istəməyə gələcəm səbr et.
Geyinib əynimə bəy libasını,
Səpəcəm ətrafa toy havasını.
Vurub qoltuğuma gül butasını,
Səni istəməyə gələcəm səbr et.
Tale bizi ayrı salmasın gülüm,
Sənsiz günüm günə dolmasın,gülüm!
Gözlərin yollarda qalmasın gülüm,
Səni istəməyə gələcəm səbr et.
Son xəbərlər
Ən çox oxunanlar
- Bu gün
- Bu həftə
- Bu ay
