Xəbərlər
20.08.2023, 02:14
Elşad Barat: Yaşının üstünə yaş gəldi yenə - FOTO
Yaşının üstünə yaş gəldi yenə
Yaşının üstünə yaş gəldi yenə
Bu da qocalmağın bir formasıdır.
Qocalmaq özü də qocalmaq deyil,
Bəlkə ucalmağın bir formasıdır.
Atalıq müqəddəs məsuliyyətdir,
Altı övladını böyütmək qədər,
Heç nə istəmirik Allahdan daha,
Başımız üstündə nəfəsin yetər.
Yetər üzündəki təbəssüm bizə,
Bizimçün etdiyin dualar yetər,
Cənnət anaların ayağındasa,
Ata qarğışıyla dağılar bəşər.
Duadır dediyin nağılların da,
Yığışıb başına nəvələr yenə,
Yenə Məlikməmməd divlə savaşır,
Səhrada susuzdur dəvələr yenə.
Mən sənin yanında uşaqlaşıram,
Əzizlə məni də nəvələrin tək,
Yenə dəstəmazlı əllərin ilə,
Yenə dua oxu, yenə sığal çək.
Mən də böyüdürəm üç övlad, ata.
Atalıq sirrini bilirəm indi,
Sən mənim balamsan, mən sənin balan?
Səni balam kimi sevirəm indi.
Bu da qocalmağın bir formasıdır.
Qocalmaq özü də qocalmaq deyil,
Bəlkə ucalmağın bir formasıdır.
Atalıq müqəddəs məsuliyyətdir,
Altı övladını böyütmək qədər,
Heç nə istəmirik Allahdan daha,
Başımız üstündə nəfəsin yetər.
Yetər üzündəki təbəssüm bizə,
Bizimçün etdiyin dualar yetər,
Cənnət anaların ayağındasa,
Ata qarğışıyla dağılar bəşər.
Duadır dediyin nağılların da,
Yığışıb başına nəvələr yenə,
Yenə Məlikməmməd divlə savaşır,
Səhrada susuzdur dəvələr yenə.
Mən sənin yanında uşaqlaşıram,
Əzizlə məni də nəvələrin tək,
Yenə dəstəmazlı əllərin ilə,
Yenə dua oxu, yenə sığal çək.
Mən də böyüdürəm üç övlad, ata.
Atalıq sirrini bilirəm indi,
Sən mənim balamsan, mən sənin balan?
Səni balam kimi sevirəm indi.
Son xəbərlər
Ən çox oxunanlar
- Bu gün
- Bu həftə
- Bu ay
