Türk Dövlətləri Təşkilatının (TDT) Baş katibi Kubanıçbek Ömüraliyev İstanbuldakı Dolmabahçe Prezident Ofisində Türkiyənin vitse-prezidenti Cövdət Yılmazla görüşüb.

AZƏRTAC TDT-nin yaydığı məlumata istinadla xəbər verir ki, görüşdə tərəflər Türk Dövlətləri Təşkilatının gündəliyindəki mövzuları və üzv dövlətlər arasında xüsusilə iqtisadi, ticari, nəqliyyat və gömrük sahələrindəki əməkdaşlıq ətrafında fikir mübadiləsi aparıblar.

Kubanıçbek Ömüraliyev vitse-prezident Cövdət Yılmaza TDT-nin son fəaliyyəti, o cümlədən qarşıdan gələn X sammitinə hazırlıq barədə məlumat verib.

Cövdət Yılmaz Türkiyənin TDT çərçivəsində çoxtərəfli əməkdaşlığa güclü bağlılığını bir daha vurğulayıb.