İqtisadiyyat Nazirliyi yanında Əmlak Məsələləri Dövlət Xidmətinin tabeliyində “Daşınmaz Əmlakın Dövlət Kadastrı və Reyestri” publik hüquqi şəxsin İdarə Heyətinin sədri Nigar Alimova iyulun 28-də Qəbələ Mədəniyyət Mərkəzində (ünvan: Qəbələ şəhəri, H.Aslanov küçəsi, 21) Oğuz, Qəbələ və İsmayıllı rayonlarından olan vətəndaşlarla görüşəcək.

Dövlət Xidmətindən AZƏRTAC-a bildirilib ki, vətəndaşlar daşınmaz əmlakın qeydiyyatı, kadastrı və aidiyyəti üzrə digər məsələlərlə bağlı müraciət edə bilərlər. Vətəndaşların qəbulu saat 12:00-dan etibarən keçiriləcək. Qəbul üçün (012) 510 93 33 və 055 465 23 68 nömrəli telefonlarla və ya rsalmanli@emlak.gov.az elektron ünvanı vasitəsilə, həmçinin qurumun Qəbələ Ərazi İdarəsinə (telefon: 055 453 78 67, elektron ünvan: dedkr.9sayli@emlak.gov.az) iyulun 26-da saat 18:00-dək müraciət etməklə qeydiyyatdan keçmək lazımdır.