Moskva idmanın siyasiləşdirilməsinin yolverilməz olduğunu dəfələrlə bəyan edib və Azərbaycan rəhbərliyinin oxşar mövqeyini yüksək qiymətləndirir.

Turaztv.az AZƏRTAC-a istinadən xəbər verir ki, bunu jurnalistlərə Rusiya Prezidentinin mətbuat katibi Dmitri Peskov deyib.

“Biz Azərbaycan rəhbərliyinin mövqeyini yüksək qiymətləndiririk, bunu bölüşürük", - deyə Kreml sözçüsü vurğulayıb.

Qeyd edək ki, daha əvvəl Bakıda Qoşulmama Hərəkatının Əlaqələndirmə Bürosunun nazirlər görüşünün yekunlarına əsasən 2024-cü ildə Parisdə təşkil olunacaq Olimpiya Oyunları ilə bağlı xüsusi bəyannamə qəbul olunub. Bəyannamədə təşkilat üzvləri Parisdə siyasi cəhətdən neytral Olimpiya və Paralimpiya Oyunlarının keçirilməsini gözlədiklərini qeyd ediblər.