Ekologiya və Təbii Sərvətlər Nazirliyinin Milli Hidrometeorologiya Xidmətini iyunun 11-i saat 11:00-a olan məlumatına əsasən, ölkə ərazisində bəzi yerlərdə şimşək çaxıb, arabir yağış yağıb, ayrı-ayrı yerlərdə leysan xarakterli intensiv olub.

Xidmətdən AZƏRTAC-a verilən xəbərə görə, düşən yağıntının miqdarı Zaqatalada 26, Ordubadda 20, Balakəndə 18, Daşkəsəndə 12, Gədəbəydə 8, Göygöldə 7, Culfada 6, Şəmkir, Şahbuz, Naxçıvan, Gəncə, Sədərək, Tərtər, Ceyrançöl, Tovuz, Şəki, Şərur, Naftalanda 5 millimetrədək olub.

Leysan yağış nəticəsində Göygöl ərazisindən keçən Gəncəçay-Zurnabad çayından sel keçib.

İyunun 10-da şərq küləyi arabir Şabranda 20, Naxçıvan, Xaltanda 16 metr/saniyəyədək güclənib.

Daşkəsən, Şəmkir, Balakən, Lerikdə duman müşahidə olunub.

İyunun 10-da havanın temperaturu iqlim normasından 1,4 dərəcə yuxarı olub. Belə ki, havanın maksimal temperaturu Bakıda və Abşeron yarımadasında 31°-dək isti, Naxçıvan MR-da 33°-dək isti, dağlıq rayonlarda 17-26° isti, aran rayonlarında 33°-dək isti təşkil edib.