Əli Əsədov Soçidə iclasda iştirak etdi - YENİLƏNİB

Azərbaycanın Baş naziri Əli Əsədov iyunun 8-də Rusiya Federasiyasının Soçi şəhərində Avrasiya Hökumətlərarası Şurasının geniş tərkibdə iclasında qonaq qismində iştirak edib.

Nazirlər Kabinetinin (NK) Mətbuat xidmətindən verilən məlumata görə, Baş nazir Prezident İlham Əliyevin ötən ayın sonunda Moskvada Ali Avrasiya İqtisadi Şurasının geniş tərkibdə iclasında qonaq qismində iştirakının əhəmiyyətini qeyd edib.

Avrasiya İqtisadi Birliyinə üzv ölkələrlə investisiya sahəsində əməkdaşlığın müsbət dinamikasını qeyd edən Ə.Əsədov iclas iştirakçılarını ölkəmizdəki əlverişli investisiya mühiti barədə məlumatlandırıb: “Biz xarici sərmayədarların Azərbaycanda özünü rahat hiss etməsi üçün hər cür şərait yaratmışıq”.

Baş nazir Avrasiya İqtisadi Birliyinin Hökumətlərarası Şurasının üzvlərinin diqqətini Azərbaycanın nəqliyyat infrastrukturunun inkişafı üzrə gördüyü işlərə çəkib. O bildirib ki, ölkədə son 20 ildə minlərlə kilometr uzunluğunda avtomobil və dəmir yolları tikilib və ya əsaslı təmir olunub: “Bu gün biz Şimal nəqliyyat şəbəkəsini Cənub və Şərq şəbəkələri ilə birləşdirərək, azad olunmuş Qarabağda avtomobil və dəmir yollarının şaxələndirilmiş şəbəkəsinin yaradılmasına sərmayə yatırırıq”.

Qeyd olunub ki, Azərbaycan ərazisində - Laçında artıq 2025-ci ildə istismara veriləcək 9-cu beynəlxalq hava limanının tikintisi yüksək sürətlə gedir, Bakı Beynəlxalq Dəniz Ticarət Limanının potensialının artırılması üzrə işlər davam etdirilir. Bütün bu tədbirlər yükdaşımaların artan həcminin öhdəsindən gəlmək və beynəlxalq nəqliyyat dəhlizlərinin fasiləsiz işini təmin etmək məqsədilə Azərbaycanın tranzit potensialını əhəmiyyətli şəkildə artırmağa imkan verəcək.

***

8 iyun 2023-cü il tarixində Soçi şəhərində Qırğızıstan Respublikasının sədrliyi ilə Müstəqil Dövlətlər Birliyinin (MDB) Hökumət Başçıları Şurasının iclası keçirilib.

İclasda Azərbaycan Respublikasının Baş naziri Əli Əsədov, Ermənistanın baş naziri Nikol Paşinyan, Rusiya Federasiyasının Baş naziri Mixail Mişustin və digər üzr ölkələrin hökumət rəhbərləri iştirak edib.

Gündəliyə daxil edilmiş bütün məsələlərə baxılıb və 17 sənəd qəbul edilib.

Hökumət başçıları MDB-də iqtisadi əməkdaşlığın aktual məsələləri ətrafında fikir mübadiləsi aparıb, xidmətlərin, təsisatların, fəaliyyətlərin və investisiyaların azad ticarəti haqqında Sazişi müzakirə edib və imzalayıblar.

Əsas müzakirə mövzularından biri MDB-yə üzv dövlətlər arasında sənaye əməkdaşlığının inkişafı olub. İclasda onun inkişafına dair 2030-cu ilədək olan dövr üçün müvafiq Konsepsiya və Tədbirlər Kompleksi qəbul olunub.

Konsepsiyanın məqsədləri yeni yüksək texnologiyalı sənaye sahələrinin yaradılması, Birlik ölkələrində sənaye istehsalının sürətləndirilmiş inkişafı və modernləşdirilməsi, onun texnoloji cəhətdən yeniləşdirilməsi, rəqabətqabiliyyətli, innovativ və elmtutumlu məhsulların istehsalının və ixracının artırılmasından, əlavə dəyərin payı, o cümlədən məhsulun keyfiyyəti üzrə beynəlxalq standartlara nail olunması, yeni iş yerlərinin yaradılması, əhalinin rifah səviyyəsinin və həyat keyfiyyətinin yüksəldilməsindən ibarətdir.

2030-cu ilə qədər olan dövr üçün MDB iştirakçısı olan dövlətlərin sənaye kooperasiyasının inkişafı üzrə tədbirlər kompleksi Konsepsiyanın həyata keçirilməsi mexanizmi kimi çıxış edir və Birliyin müvafiq dövlətlərin sənaye siyasətinin həyata keçirilməsi yolu ilə sənaye kooperasiyasının inkişafı və dərinləşdirilməsini nəzərdə tutur.

Telekommunikasiya şəbəkələrində fırıldaqçılıq ilə mübarizə sahəsində Əməkdaşlıq Memorandumu imzalanıb. Sənəddə belə cinayətlərə görə inzibati və cinayət məsuliyyətinin daha da sərtləşdirilməsi, onların qarşısının alınması üçün istifadə olunan mexanizmlər üzrə əməkdaşlıq və müsbət təcrübə mübadiləsi, telekommunikasiya operatorlarının iqtisadi maraqlarının, telekommunikasiya şəbəkələrində təhlükəsizliyin təmin edilməsi sahəsində milli qanunvericiliyin uyğunlaşdırılması, son istifadəçilərin maraqları və müdafiəsi naminə beynəlxalq telekommunikasiya xidmətləri bazarının dayanıqlı fəaliyyəti və səmərəli inkişafı üçün şərait yaradılması qeyd olunub.

MDB hökumət başçıları həmçinin 2030-cu ilə qədər olan dövr üçün elektron və elektrik avadanlıqlarının tullantılarının idarə olunması sahəsində əməkdaşlıq haqqında Sazişin həyata keçirilməsi üzrə Tədbirlər Planını qəbul ediblər.

DİM üzvləri Müstəqil Dövlətlər Birliyində sağlamlıq imkanları məhdud uşaqlar arasında idman günlərinin mütəmadi olaraq keçirilməsi barədə qərar qəbul ediblər. Onlar dörd ildə bir dəfə, qış və yay idman növləri üzrə ayrıca keçiriləcək. İlk yarışların 2024-cü ildə qış idman növləri üzrə, 2026-cı ildə isə yay idman növləri üzrə keçirilməsi təklif edilir.

Bundan başqa, Şuranın iclasında MDB orqanlarının işinin maliyyə təminatı, bir sıra kadr təyinatları məsələlərinə də baxılıb.

Müstəqil Dövlətlər Birliyinin Hökumət Başçıları Şurasının növbəti iclasının 2023-cü il oktyabrın 27-də Bişkekdə keçirilməsi planlaşdırılır.
Əli Əsədov Soçidə iclasda iştirak etdi - YENİLƏNİB

Son xəbərlər

Parisdə Olimpiya Oyunlarının açılış mərasimi ləğv edilə bilər

HƏMAS İsraili Qəzza danışıqlarını dalana dirəməkdə günahlandırıb

“Rusiyaya görə sammitdə iştirak etmək istəmirlər”

Məşhur kriptovalyuta birjasının təsisçisi 25 il müddətinə azadlıqdan məhrum edildi

Hikmət Hacıyev: COP29 Azərbaycanın qətiyyətini, diplomatik və siyasi cəsarətini nümayiş etdirir

Papa qadın məhbusların ayaqlarını yuyub öpdü

Alen Simonyan və Sahibə Qafarova arasında keçiriləcək növbəti görüşün tarixi məlum olub

Bu gecə ilk Qədr gecəsidir

Oruc tutarkən baş ağrınız olursa...

ABŞ Konqresinin nümayəndə heyəti Ankarada “F-16” tədarükü mövzusunu müzakirə edəcək

Millimizin potensial rəqibləri MÜƏYYƏNLƏŞDİ

Ukraynanın hər yerində hava həyəcanı elan edildi

Ramazanın 19-cu gününün duası - İmsak və iftar vaxtı

“Crocus City Hall”da terror aktı törədilən yerdə sübutların yoxlanılması başa çatdırılıb

Şahmar Hüseynova yeni vəzifə verildi

Nyu-Yorkun mərkəzində avtomobil sürmək üçün rüsum ödəniləcək

Bu "Samsung" smartfonlarında süni intellekt olacaq - Bu gündən

Sabah bu rayonda qaz olmayacaq

İcra başçısının qardaşı oğluna HÖKM OXUNDU

Taksilər yalnız bu rənglərdə olacaq - Qərar

Azad Rəhimovun oğlu dindirilib

Seçkilərin ən gənc və ən yaşlı NAMİZƏDLƏRİ - 18 yaş, 90 yaş...

AzTV Arayikin müsahibəsini bu axşam yayımlayacaq

Şahramanyan agentlik edir! - Hakim fraksiya onu HƏDƏLƏDİ

“Bununla bağlı qərarda Putinin rəyi rəhbər tutulacaq”

Bağça müdiri olmaq istəyənlər imtahan verəcək

Magistraturaya qəbul üçün qeydiyyat BAŞLADI

Brüsseldə üçtərəfli görüş: Qərb Ermənistanı silahlandırmağı sürətləndirir

Bütün xəbərlər
«    Mart 2024    »
BeÇaÇCaCŞB
 123
45678910
11121314151617
18192021222324
25262728293031