Ötən ay Almaniyada öldürülən azərbaycanlı iş adamı ilə bağlı təfərrüatlar üzə çıxıb. Anews.az Criminal.az-a istinadən xəbər verir ki, iş adamı Anar Məmmədovun meyiti ötən ay Berlin şəhərində göldən tapılıb.

Məlumata görə, avqustun 29-dan itkin düşmüş A.Məmmədovu öldürdükdən sonra yandırıblar. Onun meyitini daha sonra gölə atıblar. Təxminən 14 gün sonra göldə qayıq sürən alman naməlum bir kişi meyiti görür və dərhal polisə zəng vurur. Məlum olur ki, ölən şəxs azərbaycanlı iş adamı Anar Məmmədovdur. Mərhumun nəşi Azərbaycana, doğum yurdu Astaraya gətirilərək dəfn edilib.

İlkin ehtimala görə, A.Məmmədov kriminal qruplaşma tərəfindən qətlə yetirilib.

A.Məmmədov tanınmış mama-ginekoloq Samirə Tağıyevanın qardaşıdır.