Xəbərlər
30.04.2026, 21:48
Aybəniz Qafarlı : Dünya Türkün Olacaq - FOTO
Soyum Türkün qoludur.
Uludan da,uludur,
Bu həp böylə qalacaq,
Dünya Türkün olacaq.
Əyilməz başım mənim,
Göyçə sirdaşım mənim.
Təbriz yaddaşım mənim,
Türk tarixə dalacaq,
Dünya Türkün olacaq.
Qarabağ qətiyətim,
Bir olacaq millətim.
Bitirib bu zilləti
Qisasını alacaq,
Dünya Türkün olacaq.
Özbək,Qazax qardaşım,
Türkmən canım,qandaşım.
Uyğur silsə göz yaşın
Tüm cahan qurtulacaq,
Dünya Türkün olacaq.
Qırqızam,Türk oğluyam,
Ötügənə bağlıyam.
Qaqauz,Altaylıyam,
Türk,Turanı quracaq,
Dünya Türkün olacaq.
Kərkükdən üzü bəri,
Trakya,Tatar əri,
Başkurtlar-yenicəri
Dik ayaqda duracaq
Dünya Türkün olacaq,
Dünya Türkün olacaq.
Son xəbərlər
Ən çox oxunanlar
- Bu gün
- Bu həftə
- Bu ay
