İran milli futbol komandası 2026-cı il Dünya Kubokunda, o cümlədən ABŞ-da keçiriləcək oyunlarda iştirak edəcək.

Turaztv.az AZƏRTAC -a istinadən xəbər verir ki, bu barədə FIFA prezidenti Canni İnfantino bildirib.

O, Kanadada keçirilən FIFA Konqresində çıxış edərkən deyib ki, "İran, əlbəttə ki, 2026-cı il FIFA Dünya Kubokunda iştirak edəcək. Əlbəttə ki, İran ABŞ-də oynayacaq".

İran milli komandasının Dünya Kubokunda iştirakı ABŞ ilə İran arasındakı münaqişə səbəbindən sual altında idi. Tehran turnirdə oynamağa hazır olub-olmadığından əmin olmadığını bildirib. ABŞ Prezidenti Donald Tramp da komandanın turnirdə iştirakına qarşı olmadığını qeyd edib, lakin bunun oyunçuların özləri üçün risk yarada biləcəyini nəzərə alaraq bunu məqsədəuyğun hesab etmədiyini vurğulayıb.

2026 Dünya Kuboku qrup tərkibi

A qrupu: Meksika, Cənubi Afrika, Cənubi Koreya, Çexiya

B qrupu: Kanada, Qətər, İsveçrə, Bosniya və Herseqovina

C qrupu: Braziliya, Mərakeş, Haiti, Şotlandiya

D qrupu: ABŞ, Paraqvay, Avstraliya, Türkiyə

E qrupu: Almaniya, Kürasao, Fil Dişi Sahili, Ekvador

F qrupu: Niderland, Yaponiya, Tunis, İsveç

G qrupu: Belçika, Misir, İran, Yeni Zelandiya

H qrupu: İspaniya, Kabo-Verde, Səudiyyə Ərəbistanı, Uruqvay

I qrupu: Fransa, Seneqal, Norveç, İraq

J qrupu: Argentina, Əlcəzair, Avstriya, İordaniya

K qrupu: Portuqaliya, Özbəkistan, Kolumbiya, Konqo Demokratik Respublikası

L qrupu: İngiltərə, Xorvatiya, Qana, Panama

2026-cı il FIFA Dünya Kuboku 11 iyun - 19 iyul tarixlərində üç ölkədə - ABŞ, Kanada və Meksikada keçiriləcək.