Turaztv.az xəbər verir: Dağlıq Şirvan Regional Təhsil İdarəsi üzrə növbəti valideyn konfransı Qobustan rayonunda məktəb-ailə əməkdaşlığının gücləndirilməsi məqsədilə "Valideyn-məktəb əməkdaşlığı və ünsiyyətin düzgün təşkili", Erkən nigah hallarının qarşısının alınması" və "Süni intellektdən istifadə və kibertəhlükəsizlik" mövzularında keçirilib.
Konfransda Yeni Azərbaycan Partiyası Qobustan Rayon Təşkilatının sədri Qasım Qasımov, Qobustan Rayon Təhsil Sektorunun müdiri Anar Osmanov, Qobustan Rayon İcra Hakimiyyətinin əməkdaşı Gülnar Mehdiyeva, Qobustan Rayon Polis Şöbəsinin İctimai Təhlükəsizlik Bölməsinin rəisi, polis mayoru Rəşad Məmmədov, Qobustan Rayon Mərkəzi Xəstəxanasının şöbə müdiri Nərgiz Sadıqzadə, Elm və Təhsil işçiləri Həmkarlar İttifaqı Qobustan Rayon Komitəsinin sədri Mahir Soltanov, İsmayıllı Dövlət Peşə Təhsil Mərkəzinin Qobustan Korpusunun direktoru Elvin Balakişiyev, Qobustan rayonu üzrə Gənclər və İdman sektorunun müdiri Qadir Əkbərov, Qobustan Gənclər evinin direktoru Əlibaba Məlikli, Qobustan Rayon Təhsil Sektorunun əməkdaşları, məktəb direktorları, müəllimlər və valideynlər iştirak etmişlər.
Konfrans zamanı qeyd edilən mövzularda müzakirələr aparılıb, valideynlərin sualları cavablandırılıb, mövzular üzrə tövsiyələr verilmişdir.
Qeyd edək ki, bu formada keçirilən konfransların əsas məqsədi məktəb və ailə arasında əlaqələrin gücləndirilməsi, valideyn iştirakçılığının təşviqi və uşaqların hərtərəfli inkişafına dəstək olmaqdır.