Xəbərlər
16.04.2023, 09:08
ADIN NƏDİR, İGİD... ?
ADIN NƏDİR, İGİD... ?
Belə eşitmişəm ki, birindən, qardaşı haqqında soruşanda belə cavab verir. - "Yol yoldaşı olmamışam"...
Yüz kilometrdən yuxarı olacaq yol səfərimdə, gedəcəyim maşının arxa oturacağında oturub, uşaqlıqla, qazanclarının haqq-hesabın aparırmış kimi öz aləmində olan bir can balamız oturmuşdu. Maşındakılarla görüşüb, bu gözəl balanın üzündən, gözlərindən istəməməsinə baxmayaraq zülümləm öpə bildim. Bunun, uzaq səfər ərəfəsi bu yaşdakılar və biz yaşlılar üçün gözəl fürsət olduğunu anladım. Arada ruhumuzu oxşayan, uşaq istəyindən doğan cığallığı, gözümüzdən yayınmayan dəcəlliyi sanki bizə zövq verirdi. Yolboyu söhbətlərimiz daha da maraqlı alınırdı.
Uşaq görəndə özümdən aslı olmayan səbəbdən, onun maraq dünyasının incəliklərin öyrənmək məqsədi ilə, həmişə olduğu kimi, aramızdakı təması daha maraqlı etməkdən ötürü, kinolarımızda deyildiyi kimi, - " adın nədi, igid?" - deyib sual etdim. Əli - deyib, bir anlıq əlindəki işi görmək hərəkətlərin səngitdi. Anladım ki, söhbətimizi davam etdirmək olar. Verdiyim suallara aldıqım cavablar, məni bu balaca igidmizlə daha yaxından tanış olmağa sövq etdi.
Öyrənə bildim ki, Əli Mehman oğlu Əlirzayev karate do şotokan w k.f növləri üzrə 3 qat Sumqayıt çempionu olub. Dəfələrlə klublar arası çempionluq yarışlarında iştirak edib və yüksək pillələrə qalxıb. Beynəlxalq turnirin 4 qat çempionudu. Bakı çempionu olan Əli Əlirzayev 4 yaşından idmanın bu növü ilə, atasının rəhbərliyi altında məşğuldur. 7 yaşlı Əli Mehman oğlu Əlirzayev bu günə qədər iştirakçısı olub, qazandığı qələbələrin hesabına 65 dəfə ən yüksək pillələrə qalxıb, həmin mərtəbəyə uyğun medallara laiq görülüb.
Yol yoldaşım olan Əlinin bu uğurların eşidib, qəlbən sevindim. Onun haqqında yazmaq istəyimi gözəl insan, alim, şair, ictimai xadim Raqif Nazimoğluna, AYB-nin üzvü, şair Mədaxil Cavadlıya, gözəl qiraət ustası, Azərbaycan Ədəbiyyatının gözəl söz adamlarının şeirlərini əzbər bilən, "AĞSU YAZARLAR" ƏDƏBİ BİRLİYİNİN üzvü İsrail Bəxşeyişə və bu gözəl balanın uğurlarına təkan verən, maddi və mənəvi dəstəkçisi atası, məşqçisi Mehman İlyas oğluna bildirdim.
Və uca Tanrıdan dilədim ki, Əli balamızın uğurların bundan sonrada daha bol etsin, dünyanın tanınmış, öndə gedən KİV, ondan yazmaq, müsahibə almaq növbəsinə dayananana qədər qələbələr pillərin nəsib etsin. Buna, ana Vətənimiz Azərbaycanımızın, həmdə millətimizin ehtiyacı var...
Sənə, bu yolda uğurlar diləyirəm Əli !!!
Bu yazını böyük sevgi ilə qələmə aldı, 7 yaşlı, 65 medallı Əlinin yol yoldaşı
Elxas Comərd.
Son xəbərlər
Ən çox oxunanlar
- Bu gün
- Bu həftə
- Bu ay
