"Bakı şəhərində təcili tədbirlər görülməlidir, əks halda güclü yağışlardan Bibiheybətdəki kimi dağıntılar yenə olacaq".
Bizimyol.info xəbər verir ki, bu sözləri ekspert Nüsrət İbrahimov deyib. O bildirib ki, Bakıda mənzil fondunun həddən artıq istismar edilməsi və yağış tunellərinin məhvə uğradılması böyük fəlakətlərin xəbərçisidir və qarşısı elə bu gündən alınmalıdır.

"Mənzil fondunun hər kvadrat metrinə hər ay 1,39 AZN xərcləmək lazımdır ki, fondun özünün ömür müddətində effektiv istismar etmək mümkün olsun. Nə sovetlər dövründə, nə də müstəqillik dövründə biz bu pulları xərcləməmişik. Belə fəsadlar daha sürətlə olacaq. Mənzil fondunun böyük bir hissəsi çoxdan qocalıb, ömrünü başa vurub. Vaxtı çoxdan qurtarıb amma biz onu hələ də istiusmar edirik. Biz sığortalanmamışıq, təcili tədbirlər görülməsə uçqunlar olacaq. Bu gündən düşünmək lazımdır.".

"Sovetlər dövründə yağış sularının idarə edilməsi, dənizə axıdılması üçün tunellər istifadəyə verilmişdi. “Uzaq sahillər”də filmində gördüyümüz və Mixaylonun hərəkət etdiyi o tunellərdən Bakıda da var idi. Bu gün yeraltı tunellər qalıb? Mən artıq buna şübhə edirəm. Birini hələ birinin funikulyor tərfində uçuldulduğunu görümşdüm.1998-ci ildə ". Kanalizasiya və yağış sularının axıdılması sistemləri başqa başqadır. Yağış vaxtı o qapaqlar təzyiqdən atılır kənara. Bizdə dərd budur ki, yağış sularının axıdılması üçün sistem yoxdur”.