Hazırda müşahidə edilən yağıntılı hava şəraiti ilə əlaqədar olaraq nəqliyyatın hərəkəti iflic olub, avtobus dayanacağı yararsız vəziyyətə düşüb.
Bizimyol.info xəbər verir ki, paytaxtın Heydər Əliyev prospektində yerləşən dayanacağı yağış suları ilə dolub. Həmin avtobus dayancağı Dövlət Neft Fondunun yerləşdiyi “SOFAZ Tower” binası ilə üzbəüz yerləşir.

Məsələ ilə bağlı Bakı Nəqliyyat Agentliyinin mətbuat katibi Mais Ağayev Bizimyol.info-ya bildirib ki, dərhal həmin əraziyə baxış keçiriləcək və bu çatışmazlıq aradan qalxacaq.

“Vaxtıkən Bakı Şəhər İcra Hakimiyyəti tərəfindən qoyumuş bu pavilyonlarda olan bu çür problemlər var. Ötən müddət ərzində 100-dən artıq belə pavilyon təmir olunub, çatışmayan elementlər əlavə olunub”,-deyə M.Ağayev bildirib.