Xəbərlər / Nesr
28.02.2023, 01:38
Əli Vahid Çaylı: SAĞALMIR - FOTO
SAĞALMIR ***
Köhnə yaram qaysaq alıb, sağalmır,
Yaxın gəlib ağlamırsan, ağlama..!
Mən çəkərəm nəki, ağrı, acın var,
Vətən deyib ağlamırsan, ağlama..!
Yaralı köksümün dəymə xətrinə,
Bürünmüşəm öz gülümün ətrinə.
Vurulmuşam misraların sətrinə,
Bu hörməti saxlamırsan, saxlama..!
Biləsən qaydıma qalanım çoxdu,
Tükləri ürpərdən nalədi, ofdu.
Atasız qalmışam, əlacım yoxdu,
Gəlib məni yoxlamırsan, yoxlama..!
Bu dünyamız ötən yazın maralı,
Cavanlığım düşüb məndən aralı.
Həmzə ilə bacarmadı Koroğlu,
Keçəliri yağlamırsan, yağlama..!
Bax, görünmür göydə uçan durnalar,
Görən nə vaxt işıqlanar havalar.
Artıq irin verir köhnə yaralar,
Məlhəm qoyub bağlamırsan, bağlama..!
Mənəm yenə bu torpağı qoruyan,
Gecə-gündüz zülmətləri arıyan.
Paralanmış ürəkləri sarıyan,
Millət olub çağlamırsan, çağlama..!
Qarabağın qara dərdi azalmır,
Ozan olub, ozan kimi saz çalmır.
Necə deyim yağılardan bac almır,
Sinələri oxlamırsan, oxlama..!
Əli Vahid Çaylı
26.02.23.
Yaxın gəlib ağlamırsan, ağlama..!
Mən çəkərəm nəki, ağrı, acın var,
Vətən deyib ağlamırsan, ağlama..!
Yaralı köksümün dəymə xətrinə,
Bürünmüşəm öz gülümün ətrinə.
Vurulmuşam misraların sətrinə,
Bu hörməti saxlamırsan, saxlama..!
Biləsən qaydıma qalanım çoxdu,
Tükləri ürpərdən nalədi, ofdu.
Atasız qalmışam, əlacım yoxdu,
Gəlib məni yoxlamırsan, yoxlama..!
Bu dünyamız ötən yazın maralı,
Cavanlığım düşüb məndən aralı.
Həmzə ilə bacarmadı Koroğlu,
Keçəliri yağlamırsan, yağlama..!
Bax, görünmür göydə uçan durnalar,
Görən nə vaxt işıqlanar havalar.
Artıq irin verir köhnə yaralar,
Məlhəm qoyub bağlamırsan, bağlama..!
Mənəm yenə bu torpağı qoruyan,
Gecə-gündüz zülmətləri arıyan.
Paralanmış ürəkləri sarıyan,
Millət olub çağlamırsan, çağlama..!
Qarabağın qara dərdi azalmır,
Ozan olub, ozan kimi saz çalmır.
Necə deyim yağılardan bac almır,
Sinələri oxlamırsan, oxlama..!
Əli Vahid Çaylı
26.02.23.
Son xəbərlər
Ən çox oxunanlar
- Bu gün
- Bu həftə
- Bu ay
