Kişi voleybolçulardan ibarət Azərbaycan millisi Avropa çempionatının seçmə mərhələsində sonuncu oyununu keçirib.

Turaztv.az AZƏRTAC-a istinadən xəbər verir ki, A qrupunda yer alan yığmamız seçmə mərhələnin sonuncu matçında səfərdə Danimarka ilə qarşılaşıb.

Görüş Danimarka millisinin 3:0 hesablı qələbəsi ilə yekunlaşıb.

A qrupunun birincisi 10 xalla Türkiyə yığması olub. Danimarka 8 xalla ikinci, oyunları xalsız başa vuran Azərbaycan millisi isə turnir cədvəlində sonuncu olub.

Qeyd edək ki, ümumilikdə təsnifat oyunlarında 26 komanda 7 qrupa bölünüb. Qrupun ən güclüləri və 5 ən yaxşı ikinci yerin sahibi final mərhələsində iştirak hüququ qazanacaq.