Qusardayam,Nərimanov parkında,
Bir abidə önündə fikrə dalmışam!
İtmişəm xəyallar burulğanında,
Bilmirəm səmada hansı qatdayam!

Postament üstündə bir cavan büstü,
İti baxışıyla hey mənə baxır....
Elə bil daş deyil, özüdür özü,
Sanki nəsə deyir, nəsə danışır...

Haqqında yazılanları,
Oxuyanda uşaqdım.
Səni vəsf edən şeiri,
Amma ki,indi yazdım!
Bağışla ki,gec yazdım!
On səkkiz iyirmi bir,
Ömrün gənclik illəri...
Müharibə dəhşəti,
Peşman edir hər kəsi!
Hələ cavan əsgərsən,
Hər döyüşdən döyüşə,
Daş kimi bərkiyirsən!
Komandirin əmrinə,
Həmişə müntəzirsən!
Topunun arxasında,
Şir idin,pələng idin!
Düşmən sıralarında,
Kabusdun,qorxu idin!
Vahiməydin davada,
Döyüşarası hərdən,
Oxuyan kim, yazan kim?
Rəqs eləyib oynayan;
Mağarı qızışdıran kim?
Bir səs qopur nagahan,
Ləzgi oğlu "Ləzginka"
Oynasın bizim üçün!
Dostlar salır "kruq"a,
Mirzəni oynatmaqçün!
Şığıyıb qartal kimi,
Mirzə girdi meydana!
Yuxarı Ləgərdəki,
Günləri düşdü yada...
Qusarda keçirdiyi,
Ürəyində sevdiyi,
O qızı xatırladıqca,
Qartal kimi süzürdü!
Dostlar alqışladıqca,
O havada üzürdü!
Döyüşlərin sayı yox,
Artıq gəlmir hesaba!
Qələbənin sayi çox,
Hazırsan son savaşa!
Qafqaz,Ukrayna,Polşa,
Bolqarıstan,Rumınya,
Döyüş yolun çox uzun!
Macarıstan şəhəri,
Vaşadda son vuruşun!
Sən ey cavan qəhrəman,
İyirmi bir yaşlı aslan!
Təkbaşına düşmənin,
Üç tankını vurmusan!
Onlara od qoymusan!
Canlı qüvvə sarıdan,
İtiklərin sayı çox...
Başın itirən düşmən,
Bacarmadı sənlə, yox!
Sağ çıxmadı döyüşdən!
Yaralı pələng kimi,
Vuruşdun son anadək!
Döyüş şücaətini,
Göstərmisən sonadək!
Ruhun göylərdədir, səma quşu tək,
Baxırsan ucadan sən bizə sarı!
Uçursan göylərdə qıyya çəkərək,
Qəbrin bilinməyir; məzarın hanı?
Dünyanın ən böyük nəhəng dövləti,
Sən tək oğulların durdu çiynində!
Qalib bir ölkənin igid əsgəri,
Qərib bir büstün var indi vətəndə!
Sovet İttifaqı Qəhrəmanı, bax,
Adı əzəmətli, həm həşəmətli!
İyirmi bir yaşında cəsarətə bax,
Bürüyüb adına bir məmləkəti!
Mirzə Vəliyevindir bu daş abidə,
Üstündə doğumla ölüm tarixi!
Özünə taxt qurub hər bir ürəkdə,
Əfsus olmasa da bir məzar yeri!

Cümşüd Aydəmirov,
Qusar 25.06.22