Xəbərlər
3.08.2026, 01:55
QƏLBLƏRDƏ QALACAQ XATİRƏN, İZİN
(Çox dəyərli qardaşım, eloğlum, MİRİSA bəyin vaxtsız ölümünə)
Vaxtsız gedişinlə yandırıb, yaxdın,
Bir şimşəyə dönüb, qəfildən çaxdın.
Dolan buludlartək gözlərdən axdın,
Hələ bitməmişdi söhbətin, sözün,
Qəlblərdə qalacaq xatirən, izin.
Bezdinmi həyatdan, üzdün əlini?
Qırdın doğmaların, yadın belini,
Hörmətlə danışan şirin dilini,
Tanıtdın hər kəsə, sevdirdin özün,
Qəlblərdə qalacaq xatirən, izin.
Qeyrətin daşırdı qanında yaman,
Yurdunu görməyə yetmədi zaman.
Əzrail tez gəldi, vermədi aman,
Necə yandırmasın alovun, közün?
Qəlblərdə qalacaq xatirən, izin.
Sevirdin elini, doğma yurdunu,
Ali baş komandan, şanlı ordunu.
Qorudun Vətənin hər bir mərdini,
Yox idi yalanın, bəlliydi düzün,
Qəlblərdə qalacaq xatirən, izin.
Çəksə də doğmalar nalə, ahu-zar,
Yaxşı ki, yurdunda övladların var.
Qardaşın Faiqə Tanrı olsun yar,
Mirisa, arxada qalmasın gözün,
Qəlblərdə qalacaq xatirən, izin.
05.08.2025
DÜZ BİR İL ÖNCƏ, BU FANİ DÜNYADA GÖZLƏRİNİ ƏBƏDİ YUMUB, ƏBƏDİYYƏTƏ, HAQQ DÜNYANA QOVUŞDUN, ÇOX DƏYƏRLİ İNSAN, YADDAŞLARDA, XATİRƏLƏRDƏ İNSANLIĞIYLA DƏRİN İZ BURAXAN ƏZİZ ELOĞLUM MİRİSA BƏY!
ALLAHDAN SƏNƏ RƏHMƏT DİLƏYİRƏM, RUHUN ŞAD, MƏKANIN CƏNNƏT OLSUN!
Son xəbərlər
Ən çox oxunanlar
- Bu gün
- Bu həftə
- Bu ay
