(Vətən müharibəsinin şəhidi
əsgər ƏLİYEV TAHİR MAHİR
oğlunun əziz xatirəsinə)
20.07.2001 - 13.10.2020
1
Vətən torpağında ucalar insan,
Vətən havasıyla o, yetər başa.
Hər qaya bir tarix, hər daşı dastan,
Buluddan sığallar çəkilər qaşa.
2
Hər oğlun qəlbində böyük arzu var:
-Hərbi xidmətini şərəflə etmək.
Əgər lazım olsa ona borc olar,
Vətənin yolunda ölümə getmək.
3
Tahir də bitirdi orta məktəbi,
Həvəslə yollandı hərbi xidmətə.
Həyatın başqaydı ondan tələbi,
İndi o, sahibdi bir əmanətə.
4
Əmanət müqəddəs ana Vətəndir,
Onun hər bir qarış torpağı əziz.
Dirilik gətirən cana Vətəndir,
Ananın südütək suyu saf, təmiz.
5
Böyük əmanətə olan xəyanət,
Coşdurdu damarda qeyrət qanını.
Başlandı döyüşdə könüllü xidmət,
Azad eyləməyə Torpaq Ananı.
6
Füzuli uğrunda döyüş gedəndə,
Tahir içindəydi odun, alovun.
Torpağı düşməndən azad edəndə,
Gözləri əbədi yumuldu onun.
7
On doqquz yaşında gənc döyüşçünün,
Ürəyi düşmənə nifrətlə doldu.
Döyüşdə Füzuli torpağı üçün,
Yeri şəhidliyin zirvəsi oldu.
8
Ölmündən sonra da anıldı adı,
Medallar verildi, təltif olundu.
Xidməti layiqli qiymətin aldı,
Adı əbədilik tarixdə qaldı.

21.05.2022 VI gün 05:40 TƏRANƏ MƏFTUN