Şöhrətə şeir yazmağını xahiş etdi...

Xəbərlər

10.12.2021, 01:51

Şöhrətə şeir yazmağını xahiş etdi...

Şəhid balamız Qəbələ rayon Zərgərli kənd sakini Mikayılov Şöhrət İkram oğlu. Onun anım gününə gedəndə ata nənəsi axan göz yaşlarından bir dərd muncuğunu sinəsindən asaraq dünyanı lərzəyə gətirmişdi. Nənə məndən dönə-dönə xahiş etdi özünün dilindən nəvəsi Şöhrətə şeir yazmağını xahiş etdi. Nənənin göz yaşlarını silərək vədəsinə əməl etdim.
Onu da deyim ki, Şöhrətin anası dünyasını dəyişəndə Şöhrət əsgər idi. Anası oğlunun yanına getməyə hazırlaşan axşam üstü rəhmətə getdi. Oğul sovqatları yığdığı maşında qaldı. Səhərsi günü Şöhrəti anasının dəfininə gətirdi. Üç ay keçməmiş vətən müharibəsi başlayır Şöhrət şəhid olur və anasına qovuşur. Üç ay fərq olur Şöhrəti anası bu dünyadan qoparıb yanına aparır. Allah rəhmət eyləsin. AMİN!

Xanım nənənin dilindən.
Şöhrətinə yayla çalır.
Ay nəslimdə boyu bəstə,
Dağ çəkmisən sinəm üstə,
Xanım nənən düşüb xəstə,

Alışaraq qəmdən yanır,
Şöhrətinə layla çalır.
Fələk girib dondan-dona,
Oğul dedik yana-yana,
Öz qoynuna aldı ana,

Görəm özün xoşbəxt sanır?
Şöhrətinə layla çalır.
Şöhrət balam deyən dil də,
Məzarında bitən gül də,
Ocağında qalan kül də,

Dərd üstünə, dərd oyanır,
Şöhrətinə layla çalır.
De yaraşır ölüm sənə?
Kaş gələydin dərdə siniə,
Ayrılıq aldı köksünə,

Günü gündən dərd calanır,
Şöhrətinə layla çalır.
Qəm atanın qəlbin oyur,
Bacıların gül tək solur,
Şəklini sinəyə qoyur,

Göz yaşıdan üz sulanır,
Şöhrətinə layla çalır.
Ümüdlər qəmə bələndi,
Üstünə dərd ələndi,
Ürəyinə qan çiləndi,

Öz dərdini udub danır,
Şöhrətinə layla çalır.
Şöhrət balam şəhid oldun,
Nəslimizdə oğul, soydun,
Qardaşsız bacılar qoydun,
Dağım-düzüm çalxalanır,
Şöhrətinə layla çalır.

Şəhla Xəlilqızı.