Ömrə vəfa yoxdu, dostum
Yaşımı bir ildə çəkdi, qocaldım.
Daha yavaş-yavaş cavanlıq gedir,
Saçıma ağları əkdi, qocaldım.

Uşaqlıq bir daha çıxmaz önümə,
Gənclik çətin çatar haray, ünümə.
Daha sevinmirəm doğum günümə,
Əlliyə gedən yol dikdi, qocaldım.

Qaçqınlıq qoymadı ərköyün olaq,
Dərdi qəlbimizdə hey qalaq-qalaq,
Başqa bir mühitə olmuşuq calaq,
Buda çiynimizdə yükdü, qocaldım.

Əşrəfəm sınağa tabe olmuşam,
Min kərə yıxılıb yenə durmuşam,
Ömür vəfasızdı kimdən sormuşam,
Qəddi qamətimi bükdü qocaldım.

15.07.2021
Əşrəf Qafarov