Bu illər içində keçən ömrümün,
İnan ən çoxunu kədər yaşadım.
Laçında yaşanan ömürdən başqa,
Qalan həyatımı hədər yaşadım.

Vətənsiz bir ömür əsrə döndü,
Bütün arzularım qəlbimdə söndü,
Ürək vətən dedi alışdı, yandı,
Kül eylədi qəza, qədər yaşadım.

Yaşıma yaş qatdı didərgin ömrü,
Bir ildə yaşadıq bu gərgin ömrü,
Minkəntdə bitirsəm bu qəmgin ömrü,
Əşrəfəm deyərəm dəyər yaşadım.


16.07.2019
Əşrəf Qafarov