Rusiya bütün məqbul ödəniş üsullarına açıqdır.

Bunu Kremlin sözçüsü Dmitri Peskov bildirib.

Onun sözlərinə görə, Moskva dollarlaşmadan imtinaya çalışmır. Lakin bəzi ölkələr Rusiyaya öz valyutalarından istifadə etməyə imkan vermir və beləliklə, həmin valyutalar siyasi təzyiq vasitəsinə çevrilir. Bu səbəbdən Rusiya hesablaşmalarda rubldan istifadə edir.

Peskov milli valyutalarla hesablaşmaların qarşılıqlı faydalı olduğunu vurğulayıb. O qeyd edib ki, beynəlxalq ödənişlərdə dolların payı hələ yüksək olsa da, bu göstərici azalır.

Rusiyanın maliyyə naziri Anton Siluanov da əsas məqsədin dollarlaşmadan imtina deyil, hesablaşmaların sabitliyini təmin etmək olduğunu deyib. Onun sözlərinə görə, BRİKS çərçivəsində transsərhəd ödəniş sistemi yaratmaq prosesi isə hələlik ləng gedir.