Xəbərlər
29.07.2026, 13:05
Sonuncu vidalar,bu son gedişlər - FOTO
Getsən.
Getsən deməyəcəm beş dəqiqə də
Qal, sənin üzünü görüm sonra get.
Ayağın, ürəyin hara aparır
Qapıdan çıxanım, elə ora get.
Sənə beş saniyə əzdirmərəm mən,
Süslənib, bəzənmiş şux qürurumu.
Özümü sevəndən sevə bilmişəm
Məni dik saxlayan şah qürurumu.
Getsən, bağlayacam ürək qapımı,
Sadəcə dalınca "sağ ol" deyəcəm.
Yolların qapısı açıqdır sənə ,
Bu sənsən, bu da ki, bu yol, deyəcəm.
Kimdir ki, özündən qopan, ayrılan?
Kimi öldürübdü bu tərk edişlər?
Yeni bir həyata qapı açıbdır
Sonuncu vidalar,bu son gedişlər.
Çəkib pərdəsini pəncərələrin
Yeni bir günəşlə oyanacağam.
Yol tutub səninlə getməyəcəm ki
Getsən, mən özümdə dayanacağam.
29.07.2026. Salyan.
Son xəbərlər
Ən çox oxunanlar
- Bu gün
- Bu həftə
- Bu ay
