“Taşacak Bu Deniz” serialındakı “Eleni” obrazı ilə məşhurlaşan Ava Yamanın bu yay çəkilməsi planlaşdırılan film layihəsi başlamadan başa çatıb.

"Turaztv.az" “Qafqazinfo”-ya istinadən xəbər verir ki, gənc aktrisa aylar əvvəl Hüseyn Ekenin “Dokunmadan Aşk” filmində baş rol qadın obrazı üçün razılığa gəlsə də, son anda layihədən ayrılıb.

Məlumata görə, Yamanın meneceri olan atası Ali Yaman “Taşacak Bu Deniz” serialının prodüser şirkəti ilə danışdıqdan sonra gənc aktrisanın karyerası üçün filmdə rol almasının tez olduğu qərarına gəlib.

Son anda yaşanan bu dəyişiklik səbəbindən Hüseyn Ekenin film heyəti qarşısında çətin vəziyyətdə qaldığı və layihəni təxirə saldığı bildirilir.

Məlumata görə, Ava Yaman müqavilədən irəli gələn cərimə səbəbilə təzminat ödəyə bilər.