PÜSTƏ RƏVAN : BELƏ QIZA MAŞALLAH!

Xəbərlər

18.05.2026, 00:04

PÜSTƏ RƏVAN : BELƏ QIZA MAŞALLAH! - FOTO

Qonşuluğumda yaşayan bir ailə haqqında olanlardan.

BELƏ QIZA MAŞALLAH!

Borc pulları anasının ciblərinə doldurur,
Atasını infarkt edib, saraltdırıb soldurur,
Anasının saçını haray çəkib yoldurur,
Bərəkəllah! Belə qıza "maşallah!"

Uyub falçıların fitnə, felinə
Aldanıb çoxunun şirin dilinə,
Hələ gör sığal da verir telinə,
Bərəkəllah! Belə qıza "maşallah!"

Bir oğlunu, bir qızını o atdı,
Xoşca güzarana zəhəri qatdı,
Ananı, atanı, qardaşı satdı,
Bərəkəllah! Belə qıza "maşallah!"

Birdə gördün yuxusundan tez durdu!
Anasına qarşı yüz hiylə qurdu,
Uşağının başına bir qapaz vurdu,
Bərəkəllah! Belə qıza "maşallah!"

Bir xeyli yalvarırlar gəlməyir dinə,
Şeytanın atına tərs minə-minə,
Madmazel-donunu geyib əyninə,
Bərəkəllah! Belə qıza "maşallah!"

Vicdanın itirib, o, bilə-bilə,
Saxlayır sirrini verməyir ələ,
Qohum qardaşları gətirib dilə,
Bərəkəllah! Belə qızı "maşallah!"

Eşqiylə aləmi edib tari-mar,
Elə bil bu qızın əcinnəsi var,
Gen dünyanı eyləyibdi ailəyə dar,
Bərəkəllah! Belə qızı "maşallah!"