Tədbiri giriş sözü ilə açan DŞRMİ-nin tabeliyində olan M.Ə.Sabirin Şamaxıdakı Ev-Muzeyinin elmi işçisi N.Cabarova şagirdlərə ətraflı məlumat verərək bildirdi ki, M.Ə.Sabir Azərbaycan poeziyasının satirik şeir dühası, yeni ədəbi məktəbin banisidir. O, Azərbaycan ədəbiyyatı tarixində mühüm yer tutan və ədəbi zirvədə dayanan böyük dühadır.

M.Ə.Sabir çoxəsrlik Azərbaycan poeziyasının ənənələrini öz yaradıcılığında əks etdirməklə yanaşı, ictimai fikrin formalaşmasında da xüsusi rol oynamış söz ustalarından biridir. Şair, satirik şeirlərində sosial bərabərsizliyi, mürtəce dini təbəqəni kəskin şəkildə tənqid etmişdir. M.Ə.Sabir yaradıcılığında, xalqı öz hüquqlarını dərk etməyə və mütəşəkkil şəkildə mübarizəyə səsləyən çağırışları ilə xüsusi yer tutur. Molla Nəsrəddin" jurnalı ətrafında formalaşmış ədəbi cərəyanın ən parlaq simalarından olan M.Ə.Sabir yaradıcılığı maarifə, elmə çağrış, cəhalətə geriliyə qarşı mübarizədir.
Azərbaycan ədəbiyyatında maarifçi-demokratik ideyaların daşıyıcısı kimi mühüm yer tutan Sabir irsinin öyrənilməsində Ə.Mirəhmədovun "Ağlar güləyən"
A.Zamanovun “Sabir və müasirləri”, E.Eminalıyevin ”Mirzə Ələkbər Sabir:Həyatı və sənəti”, N.Kərəmovun “Mirzə Ələkbər Sabirin səyahətləri”, S.Aslanovun “Sabir yalnız şair idimi”, Sona Xəyalın “Mirzə Ələkbər Sabirə yeni nəzər” kitabları şagirdlərin,tələbələrin, gənc nəslin yetişməsində, Sabir irsinin daha ətrafli öyrənilməsində əhəmiyyətli və faydalı mənbələrdir.
Mühazirəçi vurgüladı kı, Mirzə Ələkbər Sabirin "Hophopnamə" adı altında olan əsərləri Azərbaycan Respublikası Nazirlər Kabinetinin 7 may 2019-cu il tarixli 211 nömrəli Qərarı ilə Azərbaycan Respublikasında dövlət varidatı elan edilən müəlliflərin siyahısına daxil edilmişdir.
Daha sonra şagirdlər Mirzə Ələkbər Sabirin satirik şeirlərindən nümunələr səsləndirdilər.
Yaratdığı şəraitə görə məktəbin rəhbərliyinə təşəkkürümüzü bildiririk.
#MƏSabir164
#Satirikşair
#MƏSabirinevMuzeyi