Ceyrançölün Ağstafa rayonunun ərazisində yerləşən hissəsində lalələr göz oxşayır.

AZƏRTAC-ın bölgə müxbiri xəbər verir ki, al-qırmızı rəngə boyanan düzənliklər özünəməxsus mənzərə formalaşdırıb. Günəşli hava şəraiti lalələrin rəng çalarlarını daha aydın göstərir, əraziyə xüsusi gözəllik qatır. Ucsuz-bucaqsız sahələrdə görünən lalələr Ceyrançöl landşaftının estetik görünüşünü daha da artırır.

Hazırda ərazidə müşahidə olunan gözəllik təbiətsevərlər və foto həvəskarları üçün cəlbedici mənzərə yaradır.