BMT-nin Humanitar Məsələlər üzrə Baş Katibinin müavini Tom Fletçer İsrailin Livana hücumlarının fəlakətli nəticələri barədə xəbərdarlıq edərək, çoxlu sayda mülki şəxsin itkisini və atəşkəsə təcili ehtiyac olduğunu vurğulayıb.

"Turaztv.az" "Unikal" -a istinadən xəbər verir ki, Fletçer özünün "X" sosial media səhifəsində son 24 saatın dəhşətli statistikasını təqdim edib:

"24 saat ərzində Livana 100 zərbə endirilib. Mülki şəxslər həlak olub. Ailələr evsiz qalıb."

Fletçer bildirib ki, humanitar təşkilatlar zərər çəkənlərə kömək etmək üçün əllərindən gələni edirlər, lakin heç bir təchizat zorakılığa son qoymağın yerini verə bilməz.

BMT-nin yüksək vəzifəli rəsmisi yekun olaraq bildirib ki, "Ehtiyacı olanlara kömək göstərmək üçün əlimizdən gələni edirik. Amma insanların ən çox ehtiyac duyduğu şey əsl atəşkəsdir".