Perunun xarici işlər naziri Huqo de Sela və müdafiə naziri Karlos Alberto Dias Danino müvəqqəti prezident Xose Balkasarın F-16 qırıcı təyyarələrinin alınmasını təxirə salmaq qərarından sonra istefa veriblər.

"Unikal" xəbər verir ki, De Cela prezidenti artıq imzalanmış müqavilə ilə bağlı "ölkəni yanıltmaqda" günahlandıraraq, belə bir qərarın Perunun beynəlxalq nüfuzuna xələl gətirdiyini iddia edib.

Müdafiə naziri öz növbəsində istefasını müqavilənin təxirə salınması ilə bağlı "ciddi fikir ayrılıqları" ilə əlaqələndirib. Balkasar əvvəllər tədarük məsələsinin iyun seçkilərindən sonra yeni prezidentə veriləcəyini bildirmişdi.

Qırıcı təyyarə müqaviləsinin dəyəri 3 milyard dollardan çoxdur. ABŞ əvvəllər Peruya 12 F-16 təyyarəsi və əlaqəli avadanlıqların satışını təsdiqləyib.