QIZBƏS QƏBƏLƏ : Allah, o kənd o gecə şahid oldu nələrə ...?

Xəbərlər

29.03.2026, 00:05

QIZBƏS QƏBƏLƏ : Allah, o kənd o gecə şahid oldu nələrə ...? - FOTO

BAĞANIS-AYRIM

Unutmadıq səni də,unutmarıq heç zaman,
Ay yurdumun bəlalı Bağanıs-Ayrım kəndi.
Namərdlər yaman gəldi,viran etdilər yaman,
Hər dağına-daşına qırmızı qan çiləndi.

Qıydılar beşikdəki südəmər körpələrə,
Yetmiş yaşlı qocanı oda atıb, yaxdılar.
Allah, o kənd o gecə şahid oldu nələrə ...?
Vəhşilər insanları süngülərə taxdılar.

Belə vəhşət dünyada hələ görünməmişdi,
Gecənin qaranlığı alov-alov yanırdı.
Bir andaca elə bil,dönüb,zaman dəyişdi,
Cəhənnəm zəbanəsi yanıb,alovlanırdı.

Öldürdülər o gecə günahsız insanları,
Qoca, cavan demədən gülləbaran etdilər.
Sel oldu insanların axan nahaq qanları.
Bir kəndi yer üzündən tamam silib getdilər.

YAĞIŞLI BAKIM.
( Yolda yazdlm.Redaktəsiz)

Kədərli insana bəzədin bu gün,
Qəlbinə olmuşdu hüznmü hakim ?
Səni belə gördüm, sarsıldım bütün,
Mənim gur işıqlı, ey gözəl Bakım.

Şəhərlər içində əziz şəhərim,
Hər küçən, hər tinin doğmadır mənə.
Ey adı baş tacım, özü dəyərlim,
Niyə qəm çökübdür bəs gözlərinə ?

Buludlar ağlayır hey yağlş - yağış,
Axır sellər - sular baxça - bağında.
Düzür damcıları hey naxış - naxış,
O gözəl üzündə, ay qabağında.

Mən səni fərəhli görmək istərəm,
İstərəm gün doğsun, açılsın üzün.
Əlvan səkilərdən gül - çiçək dərəm,
Bəzəyi gül olsun bu ömrümüzün.

Kədərli insana bənzədin bu gün,
Qəlbinə olmuşdu qəm - kədər hakim.
Səni belə görüb sarsıldım bütün,
Ey mənim gül üzlü, ey gözəl Baklm.