Vaşinqton Yaxın Şərqdə nüvə silahlarının yayılmasının qarşısını almağı prioritet hesab edir, çünki İranın nüvə silahı əldə etməsi regionda nəzarətsiz silahlanma yarışına səbəb olacaq.

AZƏRTAC xəbər verir ki, bu barədə ABŞ-nin Vitse-prezidenti Cey. Di. Vens “Fox News”a verdiyi müsahibədə bildirib.

Vitse-prezident qeyd edib: “Amerika Birləşmiş Ştatlarının müəyyən qırmızı xətləri var. Burada əsas marağımız İranın nüvə silahı əldə etməsinin qarşısını almaqdır. Biz nüvə silahının yayılmasını istəmirik. Əgər İran nüvə silahı əldə edərsə, onlardan sonra nüvə silahı əldə etmək istəyən çoxsaylı digər rejimlər – bəziləri dost, bəziləri isə o qədər də dost olmayan rejimlər – olacaq. Bu, Amerika xalqı üçün fəlakət olardı”.