“Gündüz 20 dəqiqəlik yuxu almaq ürək-damar xəstəlikləri riskini təxminən üçdə bir qədər azalda bilər”.

"Turaztv.az" “Qafqazinfo”-ya istinadən xəbər verir ki, bunu “National Geographic” jurnalının yüzilliklərin həyat tərzini araşdıran tədqiqatçısı Den Buettner bildirib.

O, həftədə bir neçə dəfə təxminən 20 dəqiqəlik qısa gündüz yuxularının ürək və qan damarlarına düşən stressin əhəmiyyətli dərəcədə azalması ilə əlaqəli olduğunu göstərən tibbi araşdırmalara istinad edib.

“Həkimlər bu təsiri stress səviyyəsinin azalması və mərkəzi sinir sisteminin (MSS) bərpası ilə əlaqələndirirlər. Günorta yatmaq vərdişi 100 yaşına qədər yaşayan insanların faizinin yüksək olduğu ölkələrdən biri olan Yunanıstanda geniş yayılıb.

Bu cür sadə və xoş təcrübələr çox vaxt uzunömürlülüyün əsasını təşkil edir.

Ömrü uzatmağın ən yaxşı yolları onun keyfiyyətini yaxşılaşdıran və zövq verən yollardır. Günorta yuxusu da onlardan biridir”, - deyə Buettner vurğulayıb.