Xəbərlər
9.01.2026, 17:35
Elxas Comərd : “SƏS SALMA, YATANLAR QOY HƏLƏ YATSIN” - FOTO
“Səs salma, yatanlar qoy hələ
yatsın”.
Heç nə dəyişməyib, talansa oba,
Qıymarıq bizləri kimsə oyatsın,
“Səs salma, yatanlar qoy hələ
yatsın”.
Hər yer talansa da, almarıq vecə,
Güzəran canımıza salsa vic-vicə,
Məmurlar daşıyıb yığsa xaricə,
Deyərik: “Mənə nə, lap itə atsın”,
“Səs salma, yatanlar qoy hələ
yatsın”.
Tapdanar haqqımız, dağılar mahal,
Elə dayanarıq, olmamış bu hal,
Artarsa payımızda bircə qırıq “yal”,
Bərkdən şükür edərik, Allaha çatsın,
“Səs salma, yatanlar qoy hələ
yatsın”.
Bir nağıl yaratdı xalq qırx dörd günə,
Oğullar dərs dedi alçaq düşmənə,
İndi o nağılın gedib mürgünə,
Gör necə yatıbdır...
qoy elə yatsın,
“Səs salma, yatanlar qoy hələ
yatsın”.
P.S.
Torpaq altda, ey danışan ölülər,
Torpaq üstdə yatıb axı dirilər.
Səs salmayın, oyansalar yuxudan,
Zülm edəcək yuxarıdakı birilər.
Son xəbərlər
Ən çox oxunanlar
- Bu gün
- Bu həftə
- Bu ay
