“McLaren” komandasının britaniyalı pilotu Lando Norris Formula 1 Dünya Çempionatının 21-ci mərhələsi – Braziliya Qran-Prisində qalib gəlib.

Turaztv.az AZƏRTAC-a istinadən xəbər verir ki, yarış San-Pauludakı “İnterlaqos” avtodromunda keçirilib.

İkinci yeri “Mercedes” komandasının italiyalı pilotu Kimi Antonelli, üçüncü yeri isə pit-leyndən start götürən “Red Bull” komandasının niderlandlı pilotu Maks Ferstappen tutub.

Qələbə sayəsində Norris 390 xalla dünya çempionatının ümumi hesabında liderliyini möhkəmləndirib. Onun komanda yoldaşı, avstraliyalı Oskar Piastri 366 xalla ikinci, Ferstappen isə 341 xalla üçüncü pillədə qərarlaşıb.

Növbəti mərhələ noyabrın 21-dən 23-dək Las Veqasdakı yarış trasında keçiriləcək.