ABŞ paytaxtı Vaşinqtonda vətəndaşlar Donald Tramp administrasiyasının siyasətinə etiraz olaraq küçələrə çıxıb.

APA xarici mediaya istinadən xəbər verir ki, “No Kings” şüarı altında keçirilən aksiya şəhərin mərkəzində başlayıb.

Etirazçılar nəqliyyat üçün bağlanmış Pensilvaniya prospekti boyunca yürüş edərək Kapitol təpəsinə doğru hərəkət ediblər.

Orada çıxışlar üçün səhnə quraşdırılıb.

Aksiya iştirakçıları arasında Demokrat Partiyasından olan konqres üzvləri, ictimai xadimlər və fəallar da olub.