UFC keçmiş çempion Konor Makqreqorun dopinq qaydalarını pozduğu üçün 18 ay yarışlardan uzaqlaşdırıldığını açıqlayıb.

"Turaztv.az" “Qafqazinfo”-ya istinadən xəbər verir ki, 37 yaşlı irlandiyalı döyüşçü 2024-cü ildə üç dəfə dopinq testinə qatılmayıb.

Bu səbəbdən ona qarşı “yerləşmə barədə məlumat verməmək” qayda pozuntusu tətbiq edilib. O, günahını etiraf edib və araşdırma ilə əməkdaşlıq etdiyindən cəza müddəti 24 aydan 18 aya endirilib.

Qeyd edək ki, diskvalifikasiya 2026-cı il martın 20-də başa çatacaq.

Xatırladaq ki, K. Makqreqor bu ay İrlandiyada keçirilməsi planlaşdırılan prezident seçkilərində əvvəlcə iştirak edəcəyini söyləsə də, daha sonra fikrindən daşınmışdı.