"Əşrəf Rüya" serialındakı Əşrəf Tək rolu ilə son dövrün ən çox danışılan adlarından olan aktyor Çağatay Ulusoy yeni filmi "Uykucu" üçün işlərə başlayıb.

Metbuat.az xəbər verir ki, sosial mediada ən çox müzakirə edilən seriallardan olan "Əşrəf Rüya"da baş rolda olan Ulusoy kino çəkilişini də davam etdirir. "Uykucu" filmində də rol alacaq aktyor imicində yenilik edib. Saçındakı ağarmış tellərlə poza verən Çağatay Ulusoyun bu yeni imicinə görə sosial şəbəkədə "Əşrəf Tək sənə nə olub?" şərhləri yazılmağa başlayıb.
Qeyd edək ki, Çağatay Ulusoy "Best Model"in qalibi olduqdan sonra aktyorluğa başlayıb. 2010-cu ildən bəri karyerasını fasilə vermədən davam etdirən Çağatay Ulusoy "Adını Feriha Koydum", "Medcezir", "Hakan: Muhafız" və "Gaddar" kimi bir çox layihədə baş rolda çəkilib. İki mövsümdür isə "Əşrəf Rüya" serialında baş rolu ifa edir.