Sarıkök min illərdir həm Şərq təbabətində, həm də mətbəxdə geniş istifadə olunan qiymətli ədviyyatlardandır.

"Turaztv.az" “Qafqazinfo” -ya istinadən xəbər verir ki, onun əsas təsiredici maddəsi olan kurkumin orqanizm üçün çoxsaylı faydaları ilə seçilir.

Sarıkök bədənin müxtəlif nahiyələrində yaranan iltihabi prosesləri azalda bilir. Oynaqlarda ağrı və şişkinlikdən əziyyət çəkən insanlara mütəmadi istifadəsi rahatlıq gətirə bilər.

Kurkumin güclü antioksidant xüsusiyyətə malikdir. Bu, hüceyrələri sərbəst radikalların zərərindən qoruyur, qocalma prosesini ləngidir və ümumi orqanizm gücünü artırır.

Sarıkök qaraciyərin fəaliyyətini gücləndirir, öd ifrazını artırır və həzmi yüngülləşdirir. Qarında köp və qaz problemlərinin qarşısını almaqda da faydalıdır.

Daimi istifadə orqanizmin infeksiyalara qarşı müqavimətini gücləndirir. Soyuqdəymə kimi xəstəliklərin qarşısını almaqda köməkçi ola bilər.

Sarıkök qandakı xolesterin səviyyəsini tənzimləyir, qan dövranını yaxşılaşdırır. Bu xüsusiyyəti sayəsində ürək-damar xəstəliklərinin riskini azaltmağa kömək edir.

Araşdırmalara görə, sarıkök beyində yeni sinir hüceyrələrinin yaranmasını dəstəkləyir. Bu, yaddaşın möhkəmlənməsinə və diqqətin artırılmasına yardımçı olur.

Sarıkök həm daxildən, həm də xaricdən dəriyə müsbət təsir edir. Sızanaq, qızartı və ekzema kimi problemlərdə dəriyə maska şəklində tətbiq olunur.